Главная » 2015 » Январь » 11 » ကချင်ပြည်နယ်နေ့ ( ဇန်န၀ါရီလ -၁၀ ) ဖြစ်ပေါ်လာပုံ
12:32
ကချင်ပြည်နယ်နေ့ ( ဇန်န၀ါရီလ -၁၀ ) ဖြစ်ပေါ်လာပုံ

၁၉၄၈ခုနှစ်၊ ဇန်နဝါရီလ (၄) ရက်နေ့တွင် ပြည်ထောင်စု မြန်မာနိုင်ငံတော်သည် ဗြိတိသျ အစိုးရ အုပ်ချုပ်ခဲ့သည့် လက်အောက်မှ လွတ်လပ်ရေး ရရှိခဲ့ပြီး နောက်ထပ် ၆ရက်အကြာ ဇန်နဝါရီလ (၁ဝ)ရက်နေ့ မြစ်ကြီးနားမြို့၊ စီတာပူ မနောကွင်း၌ မြန်မာနိုင်ငံ၏ ပထမဦးဆုံးသော သမ္မတကြီး ဦးစပ်ရွှေသိုက် ကိုယ်တိုင် တက်ရောက်၍ မနော မဏ္ဍပ်ကြီးဖွင့်လှစ်ကာ ပထမဆုံးသော ကချင်ပြည်နယ်၏ ပြည်နယ်ကောင်စီကို စတင် ဖွဲ့စည်းခဲ့သည်။

အဆိုပါ ပြည်နယ်ကောင်စီ အစည်းအဝေး၌ ဦးဆမားဒူဝါဆင်ဝါးနောင်အား ကချင်ပြည်နယ်၏ပထမဆုံးသောဥက္ကဋ္ဌအဖြစ် ရွေးချယ်တင်မြှောက်လျှက်
နိုင်ငံတော်သမ္မတ၏ ရှေ့မှောက်တွင်ပင် ကျမ်းသစ္စာ ကျိန်ဆိုစေခဲ့သည်။ ပြည်ထောင်စု မြန်မာနိုင်ငံတော်၏ ဖွဲ့စည်းပုံအခြေခံ ဥပဒေစာအုပ်ကို ကချင်ပြည်နယ်၏ ဥက္ကဋ္ဌသစ်ဖြစ်သော ဦးဆမားဒူဝါဆင်ဝါးနောင်၏ လက်သို့ နိုင်ငံတော် သမ္မတကြီးမှ အပ်နှံပေးခဲ့သည်။

ထို့ပြင် ကချင်ပြည်နယ် အစိုးရကိုလည်း ထိုနေ့တွင်ပင် ဖွဲ့စည်းလျှက် ဇန်နဝါရီလ (၁ဝ)ရက်နေ့ကို “ကချင်ပြည်နယ်နေ့”ဟူ၍ သတ်မှတ် အတည်ပြုထားခဲ့ခြင်းဖြစ်သည်။ ထိုနေ့မှစကာ နှစ်စဉ် ဇန်နဝါရီ (၁ဝ) ရက်နေ့ ရောင်းတိုင်း ပြည်နယ်အစိုးရမှ ကြီးမှူး၍ မြစ်ကြီးနား၊ စီတာပူမနောကွင်းကြီးတွင် ကချင်ပြည်နယ်နေ့ အထိမ်းအမှတ်အဖြစ် ကချင်ရိုးရာ မနောပွဲတော်ကို ကျင်းပလေ့ ရှိခဲ့ကြသည်။
................................
(မှတ်တမ်းဓါတ်ပုံ) ကချင်ပြည်နယ်နေ့တွင် နိုင်ငံတော်သမ္မကြီး မထင်မှတ်ဘဲ ပုံမှန်လေကြောင်းခရီစဉ်ဖြင့်ရောက်ရှိလာသည်ကို ကြိုဆိုနေကြသော ကချင်တိုင်းရင်းသားများ

Категория: News Voice of Burma (Burma) | Просмотров: 354 | Добавил: Модератор | Теги: ကချင်ပြည်နယ်နေ့ ( ဇန်န၀ါရီလ -၁၀ )ြ